Rafbókasafnið

Allir sem eru með gild bókasafnskírteini hjá Bókasafninu Ísafirði geta nýtt sér þessa þjónustu. Meginhluti efnisins eru rafbækur á ensku en sífellt meira efni á íslensku er að bætast við. Fjölmargir efnisflokkar eru í boði, svo sem skáldsögur, spennusögur, ævisögur, teiknimyndasögur, lífsstílsbækur, matreiðslubækur og efni fyrir börn. Einnig má finna hljóðbækur í safninu.

Lánþegar skrá sig inn í Rafbókasafnið með númeri bókasafnsskírteinis og lykilorði (PIN-númeri), sem er það sama og notað er fyrir leitir.is. Hafðu endilega samband við safnið ef þig vantar lykilorð. 

Allt efni Rafbókasafnsins má finna á leitir.is
Vefslóð Rafbókasafnsins er http://rafbokasafnid.is

Rafbókasafnið í stuttu máli:
Til þess að tengjast Rafbókasafninu með snjallsímatæki byrjar þú á því að sækja app-ið OverDrive.

• Þú þarft gilt bókasafnskort og PIN-númer (lykilorð) hjá Bókasafninu Ísafirði.
• Þú skráir þig inn á Rafbókasafnið með strikamerkisnúmerinu á bókasafnskortinu þínu og PIN-númeri.
• Þú getur valið hvort þú færð bók að láni í 7, 14 eða 21 dag.
• Þú getur haft 5 bækur að láni í einu og sett inn 7 frátektir.
• Bók sem hefur verið tekin að láni skilast sjálfkrafa að lánstíma liðnum og því er engin hætta á dagsektum.  Auðvitað er líka hægt að skila fyrr.
• Hægt er að lesa rafbækur eða hlusta á hljóðbækur frá Rafbókasafninu í vafra í tölvum, spjaldtölvum og snjallsímum og því er ekki nauðsynlegt að hlaða niður neinum forritum til þess.
• Viljir þú lesa eða hlusta án þess að vera nettengd(ur) þarftu að ná þér í Libby appið, OverDrive appið eða Adobe Digital Editions forritið og hlaða bókinni niður.

Libby appið
Libby er fáanlegt í öll helstu snjalltæki og má nálgast það í  Play Store (Android), App Store (IOS) og hjá Microsoft (Windows 10). Hægt er að kynna sér appið betur á https://meet.libbyapp.com/

OverDrive appið
OverDrive appið er fáanlegt fyrir iPhone®, iPad®, Android, Chromebook, Windows Phone, Windows 8 & 10, Kindle Fire HD og má nálgast t.d. í veiðeigandi veitum svo sem Play Store og App Store.  Lesa má nánar um appið og sækja það á  http://app.overdrive.com/

Lesbretti
Hægt er að lesa bækur Rafbókasafnsins á lesbrettum sem notast við ePub formið.  Þetta eru flestar gerðir lesbretta aðrar en Kindle.  Ekki er hægt að lesa bækur Rafbókasafnsins í Kindle lesbrettum að Kindle Fire undanskildu.

Ef ætlunin er að lesa rafbók á lesbretti þarf að stofna Adobe ID-aðgang og hlaða niður Adobe Digital Editions forritinu á tölvu.
Bókinni er svo hlaðið niður í Adobe Digital Editions og færð þaðan yfir á lesbrettið.

Ef þú hefur einhverjar spurningar eða ábendingar varðandi Rafbókasafnið sendu þá póst á bokasafn@isafjordur.is