Fyrstu kynni. Grænlendingar á Ísafirði árið 1925.
Við vekjum athygli á því að í Veröld, húsi Vigdísar og á Landsbókasafni Íslands - Háskólabókasafni stendur nú yfir sýning um komu Grænlendinga til Ísafjarðar árið 1925.
Árið 1925 komu tæplega 90 Grænlendingar til Ísafjarðar en Grænlendingar höfðu vart sést áður hérlendis. Á sýningunni er fjallað um hvernig þessi heimsókn átti rætur að rekja til deilna Dana og Norðmanna um yfirráð á hluta Austur-Grænlands, hvernig tekið var á móti gestunum á Ísafirði, athyglina sem hún vakti og hvaða þýðingu hún hafði fyrir samskipti þjóðanna. Sýningin er í sýningarsal Veraldar, húsi Vigdísar og á Landsbókasafni Íslands – Háskólabókasafni og stendur frá 17. janúar til 30. júní 2019.
Aðstandendur sýningarinnar: Stofnun Vígdísar Finnbogadóttur í erlendum tungumálum, Landsbókasafn Íslands – Háskólabókasafn og Safnahúsið Ísafirði.
Sýningarstjóri: Sumarliði R. Ísleifsson
Sýningarhönnun í Veröld – húsi Vigdísar: Björn G. Björnsson
Sýningarhönnun í Landsbókasafni Íslands – Háskólabókasafni: Ólafur Engilbertsson
Grafísk hönnun: Helga Dögg.