KORTAKALLINN SMÁRI Á VEFINN
Nú er hægt að skoða hluta af sýningu Ómars Smára Kristinssonar á veraldarvefnum þar sem finna má áhugavert og skemmtilegt myndband sem sýnir hvernig hann vinnur kortin sín.
Þegar við opnuðum sýninguna Kortakallinn Smári þann 7. mars sl. þá áttum við ekki von á að Safnahúsinu yrði fljótlega lokað vegna samkomubanns. Það eru því margir sem ekki náðu að skoða sýningu bæjarlistamanns Ísafjarðarbæjar, Ómars Smára Kristinssonar, þar sem sjónum er beint að kortavinnu Smára á norðanverðum Vestfjörðum og sýnt er frá ferli nokkurra verka, frá fyrstu skissum til prentaðrar afurðar. Það er hins vegar ekkert í vegi fyrir því að miðla hluta sýningarinnar á veraldarvefnum þannig að fólk geti notið hennar heima í stofu.