Afhentu gjöf til minningar um Helenu B. Þrastardóttur

Safnahúsinu voru afhentar gjafir á Þorláksmessu til minningar um Helenu Björk Þrastardóttur bókavörð.

Heimsóknir á jólaföstu

Margir lögðu leið sína í Safnahúsið á jólaföstunni, þar á meðal Grýla sjálf og hyski hennar. Við vonum að okkur hafi tekist að sannfæra þau um að koma aftur að ári.

Opnunartímar um jól og áramót í Safnahúsinu

Um jól og áramót verður Safnahúsið opið sem hér segir:

Grýla kemur í heimsókn

Grýla ætlar að heiðra okkur með nærveru sinni á morgun, á sjálfri Þorláksmessu. Hún lofar að verða komin í hús kl. 14 og ætlar að fá að hvíla lúin bein í sal Listasafnsins þar sem gestum gefst kostur á að fræðast um hana.

Jól í Safnahúsinu á Ísafirði 2017

Hluti af jólasýningu Safnahússins á Ísafirði 2017, er myndband þar sem fjórir einstaklingar segja frá ýmsu tengdu jólahaldi og hefðum.

Pottaskefill í heimsókn

Pottaskefill ætlar að heiðra okkur með nærveru sinni næsta laugardag kl. 14 - allir velkomnir!

Minnum á jólakortin okkar!

Á síðasta ári gaf Safnahúsið út þrjú jólakort með skemmtilegum stemmingsmyndum sem tengjast umhverfi hússins. Kortin fást einungis í húsinu og kosta 300 kr stykkið. Upplagt að gleðja vini og vandamenn með þessum glaðlegu kortum.

Gáfu útibekk til minningar um Helenu Björk Þrastardóttir

Safnahúsið á Ísafirð fékk í dag, laugardaginn 26. ágúst, afhentan veglegan útibekk til minningar um Helenu Björk Þrastardóttur, bókavörð, sem lést 21. júlí síðastliðinn. Voru það frændsystkini hennar, afkomendur Marsellíusar Bernharðssonar skipsmiðs og Albertu Albertsdóttur á Ísafirði, ásamt fjölskyldum sem afhentu gjöfina.

Kirkjur Íslands - friðaðar kirkjur í Vestfjarðaprófastdæmi

Bækurnar Kirkjur Íslands - friðaðar kirkjur í Vestfjarðaprófastdæmi eru komnar í sölu hjá okkur í Safnahúsinu.

Heimsókn Grænlendinga til Ísafjarðar 1925

Síðla í ágúst 1925 lagðist danska skipið Gustav Holm að Ísafjarðarbryggju en um borð voru 89 Grænlendingar auk danskrar áhafnar á leið norður til Scorebysunds, nánar tiltekið til Ittoqqortoormiit til að stofna þar nýlendu. Aðstæður til veiða voru taldar með besta móti við þennan lengsta fjörð heims en fyrst og fremst var verið að tryggja dönsk yfirráð á svæðinu og koma í veg fyrir landnám Norðmanna sem gerðu kröfu um yfirráð á stórum hluta Austur-Grænlands. Í Fræðslumiðstöð Vestfjarða við Suðurgötu 12 á Ísafirði hefur verið sett upp sýning um þessa heimsókn Grænlendinganna til Ísafjarðar og er hún opin kl. 9 - 16 virka daga.

Hverfandi menning - Djúpið

Við vekjum athygli á því að enn er hægt að skoða hluta af ljósmyndasýningu Þorvaldar Arnars Kristmundssonar í stigagangi Safnahússin. Sýningin verður opin fram í september og við hvetjum fólk til að láta hana ekki fram hjá sér fara.

Kirkjur Íslands - friðaðar kirkjur í Vestfjarðaprófastdæmi

Nýlega komu út þrjú ný bindi í ritröðinni Kirkjur Íslands, númer 26, 27 og 28 en þar er fjallað um 28 kirkjur í Vestfjarðaprófastsdæmi ásamt gripum þeirra og minningarmörkum. Bækurnar eru nú fáanlegar hjá okkur í Safnahúsinu.

Test 28.6

Sýningaropnun

70 harmonikur og nokkrum betur úr safni Ásgeirs S. Sigurðssonar er yfirskrift sumarsýningar Byggðasafns Vestfjarða og Safnahússins. Sýningin verður opnuð fimmtudaginn 29. júní kl. 17 í sal Listasafns Ísafjarðar á 2. hæð Safnahússins. Sýningin er tileinkuð minningu Björns Baldurssonar fyrrum safnvarðar við Byggðasafn Vestfjarða. Harmonikusafn Ásgeirs á sér ekki hliðstæðu á Íslandi en á sýningunni er úrval á áttunda tug hljóðfæra sem Ásgeir taldi forvitnilegar fyrir margra hluta sakir svo sem sögu og fágæti.

Leiðrétt auglýsing!

Þau leiðu mistök urðu á dögunum að röng auglýsing fór frá okkur í bæklinginn um íþróttir og tómstundalíf í Ísafjarðarbæ í sumar. Húsið er opið til kl. 18 virka daga en ekki til kl. 19 eins og segir í auglýsingunni og það er lokað á sunnudögum. Við biðjumst velvirðingar á þessum mistökum.

Sýningarlok

Síðasti dagur sýningar GARASON, Guðlaugs Arasonar, á Álfabókum er laugardagurinn 27. maí. Við hvetjum alla til að koma og skoða þessi einstaklega skemmtilegu verk.

Nýtt vinabæjarteppi lítur dagsins ljós

Fyrir nokkru var efnt til samstarfs af hálfu Kaufering, sem er vinabær Ísafjarðarbæjar í Þýskalandi um að útbúa og skiptast á ullarteppum úr hekluðum og prjónuðum ferningum

Opnun ljósmyndasýningar: Hverfandi menning – Djúpið

Hverfandi menning – Djúpið er nafn á sýningu á ljósmyndum eftir Þorvald Örn Kristmundsson sem opnar í sal Listasafns Ísafjarðar í Safnahúsinu 6.maí n.k.

Listamannaspjall - Álfabækur

Þriðjudaginn 2. maí verður Garason (Guðlaugur Arason) í Safnahúsinu milli kl. 4 og 6 og segir frá verkum sínum á sýningunni Álfabækur. Verkin sýna bækur í ýmsu rými en verkin krefjast þess að áhorfandinn gefi sér góðan tíma til að skoða þau því í hverju þeirra leynist lítill verndarálfur. En sjón er sögu ríkari.

Álfabækur - opnun sýningar

Mánudaginn 1. maí kl. 17 opnar listamaðurinn Garason, Guðlaugur Arason, sýningu á verkum sem hann kallar Álfabækur.

Aldrei fór ég suður - í gegnum tíðina

Aldrei fór ég suður - í gegnum tíðina er yfirskrift sýningar á munum og ljósmyndum tengdum tónlistarhátíðinni en sýningin er í sal Listasafns Ísafjarðar á 2. hæð Gamla sjúkrahússins. Laugardaginn 15. apríl kl. 14 verður stutt dagskrá í tengslum við sýninguna.

Bútasaumssýning

Mánudaginn 10. apríl opnar sýning bútasaumsklúbbsins Pjötlurnar í Safnahúsinu en klúbburinn fagnar 20 ára afmæli um þessar mundir. Á sýningunni eru óvissuverkefni sem og verkefni sem unnin hafa verið á Suðureyri, Þingeyri, á Núpi og í Reykjanesi síðastliðin 20 ár.

Opnunartímar um páska 2017

Safnahúsið verður lokað: Skírdag 13. apríl - Föstudaginn langa 14. apríl - Páskadag 16. apríl - Annan í páskum 17. apríl og Sumardaginn fyrsta 20. apríl. Laugardaguinn 15. apríl OPIÐ kl. 13 - 16

Breyting á verðskrá. Mjög spennandi fréttir!

Stórkostlegar fréttir frá okkur í dag! ALLAR DVD myndir eru nú gjaldfrjálsar. Það þýðir að það kostar ekki krónu að fá lánaða DVD mynd hjá okkur og þú mátt hafa hana í heila viku! Meðfylgjandi mynd sýnir bara brotabrot af úrvalinu okkar, við eigum fyrir alla aldurshópa. Við hlökkum til að sjá ykkur.

Ísafjörður 1984

Næstu tvær vikurnar verður sýnd kvikmynd sem myndasafninu barst nýlega frá Halldóri Hermannssyni. Um er að ræða mynd sem tekin var árið 1984 sem auglýsingamynd fyrir Ísafjarðarkaupstað og hin ýmsu fyrirtæki í bænum.

Verbúðalíf - menning og minning

Fjölmargir Íslendingar kynntust verbúðalífi og verbúðaflakki um og upp úr miðri síðustu öld. Peningalyktin barst úr sjávarplássunum og þangað streymdi unga fólkið...

Kertasníkir kveður í Safnahúsinu

Senn rennur upp þrettándinn, síðasti dagur jóla, en þann dag mun Kertasníkir halda heim til fjalla síðastur þeirra bræðra