Bókaspjall
Laugardaginn 19. nóvember kl 14:00 verður annað bókaspjall þessa hausts hér á Bókasafninu. Að þessu sinni verður dagskráin í höndum tveggja kvenna úr Önundarfirði.
Laugardaginn 19. nóvember kl 14:00 verður annað bókaspjall þessa hausts hér á Bókasafninu. Að þessu sinni verður dagskráin í höndum tveggja kvenna úr Önundarfirði.
Uppáhaldsbækurnar
Önfirski Bolvíkingurinn Halla Signý Kristjánsdóttir mun fjalla um bækur sem skipa sérstakan sess í huga hennar. Halla Signý er fjármála- og skrifstofustjóri Bolungarvíkurkaupstaðar en sleit gúmmískónum á Ingjaldssandi.
Flateyri - þorp verður til
Jóhanna G. Kristjánsdóttir er um þessar mundir að gefa út fyrstu bókina í ritröð sem hún kallar Þorp verður til á Flateyri. Efniviðurinn er sendibréf rituð á Flateyri um aldamótin 1900 sem Jóhanna hefur verið að kynna sér og mun hún segja okkur frá bókinni og aðdragandanum að tilurð hennar. Til sýnis í salnum verða sýningaspjöld sem hönnuð voru af Nínu Ivanovu í tengslum við útgáfuna.
Jóhanna G. Kristjánsdóttir fæddist á Flateyri og ólst þar upp. Eftir nám og störf, erlendis og í Reykjavík fluttist hún vestur til Flateyrar 1991 og hefur hún verið búsett hér síðan.
Verið kærlega velkomin, heitt á könnunni og notaleg stemmning.
BÓKASAFNIÐ ÍSAFIRÐI