Bókaspjall
Komið er að öðru Bókaspjallinu á Bókasafninu þetta misseri. Að vanda verða tvö erindi í boði.
Komið er að öðru Bókaspjallinu á Bókasafninu þetta misseri. Að vanda verða tvö erindi í boði.
Uppáhaldsbækurnar
Að þessu sinni fjallar Jóna Símonía Bjarnadóttir um bækur.
Ég var aldrei barn: um lífshlaup Karítasar Skarphéðinsdóttur 1890 – 1972
Í erindi sínu mun Helga Þórsdóttir, safnvörður á Byggðasafni Vestfjarða segja frá Karítas Skarphéðinsdóttur verkakonu á Ísafirði, sem er viðfang nýrrar sýningar safnsins. Karítas var fædd í Æðey en ólst upp á ýmsum bæjum við Ísafjarðardjúp. Karítas er má segja táknmynd staðar og hugmyndafræðilegs samtíma, hún er líkami konu sem ekki var ætlað sjálfsyfirráð. Þannig var hún seld fyrir húsbyggingu aðeins 16 ára gömul, smábóndinn Skarphéðinn ekki svo aumur að hann gæti ekki selt stúlkuna. Karítas átti þó eftir að verða áberandi í samfélaginu, kona sem markaði spor í samtímann og þar af leiðandi hefur töluvert verið um hana skrifað sem og sagðar um hana sögur í margvíslegu samhengi.
Verið kærlega velkomin, heitt á könnunni.