Sumarlestur: lestrarbingó!
Líkt og undanfarin ár verður Bókasafnið með sumarlestur fyrir börn í grunnskóla og þá sérstaklega fyrir börn í 1. - 6. bekk. Í ár ætlum við að breyta aðeins til og bjóða upp á lestrarbingó.
Líkt og undanfarin ár verður Bókasafnið með sumarlestur fyrir börn í grunnskóla og þá sérstaklega fyrir börn í 1. - 6. bekk. Í ár ætlum við að breyta aðeins til og bjóða upp á lestrarbingó í stað þess að vera með lestrarbæklinga og miða til að stinga í pottinn eins og áður. Potturinn verður þó á sínum stað og við munum að venju halda uppskeruhátíðina okkar í lok sumars. En til þess að gera leikinn enn meira spennandi verður auk þess dregið um bókavinning einu sinni í mánuði. Til að taka þátt í Sumarlestrinum þarf einfaldlega að mæta bókasafnið, fá lánaðar bækur og um leið afhendum við bingóspjald og útskýrum leikreglurnar. Muna að taka með bókasafnsskírteinið!
Hlökkum til að sjá ykkur krakkar!