Útgáfuteiti: Við Djúpið blátt – Ísafjarðardjúp
Árbók Ferðafélags Íslands kemur nú út í nítugasta sinn og er viðfangsefnið að þessu sinni Ísafjarðardjúp
Árbók Ferðafélags Íslands kemur nú út í nítugasta sinn og er viðfangsefnið að þessu sinni Ísafjarðardjúp. „Ísafjarðardjúp með fjörðum sínum og inndölum ásamt Snæfjallaströnd, Bolungarvík, Hnífsdal, Súðavík og Ísafjarðarkaupstað er sannkallað gósenland ferðamannsins. Inn í sérstæða náttúrufegurð Djúpsins fléttast svo áhugaverð menningar- og atvinnusaga.“ (úr fréttatilkynningu www.fi.is)
Höfundur árbókarinnar er dr. Ólína Kjerúlf Þorvarðardóttir, þjóðfræðingur. Ólína er sannkölluð útivistarkona með mikla þekkingu á svæðinu. Auk þess kannaði hún ýmsar gönguleiðir gagngert fyrir árbókina. Ólína á ættir sínar að rekja til Vestfjarða auk þess að hafa búið á Ísafirði um árabil.
Í tilefni útkomu árbókarinnar verður útgáfuteiti í Bókasafninu Ísafirði mánudaginn 29. maí kl. 17 og mun höfundur jafnframt kynna efni bókarinnar.
Allir velkomnir!