Bókaspjall
Laugardaginn 27. október kl. 14:00 verður þriðja Bókaspjall ársins í Bókasafninu. Tvö erindi verða á dagskrá: Helga Aðalsteinsdóttir spjallar um bækur og Gunnvör S. Karlsdóttir verður með erindi um Guðmund biskup Arason hinn góði (1161-1237).
Laugardaginn 27. október kl. 14:00 verður þriðja Bókaspjall ársins í Bókasafninu. Tvö erindi verða á dagskrá: Helga Aðalsteinsdóttir spjallar um bækur og Gunnvör S. Karlsdóttir verður með erindi um Guðmund biskup Arason hinn góði (1161-1237).
Flestir Íslendingar þekkja sagnir af Guðmundi hinum góða Hólumbiskupi enda var hann sérstæður einstaklingur sem ekki beygði sig auðveldlega undir vald annarra. Af þessum aðsópsmikla biskupi voru ritaðar ekki færri en fjórar sjálfstæðar sögur á fyrri hluta 14. aldar sem allar sækja efni sitt til Sturlunga sögu á einn eða annan hátt. Í erindi sínu mun Gunnvör S. Karlsdóttir, doktor í íslenskum bókmenntum segja frá helstu æviatriðum Guðmundar svo sem trúrækni hans, umhyggju fyrir fátækum og ágreiningi við ýmsa valdamestu höfðingja Sturlungaaldar en einnig kirkjunnar menn. Ennfremur verður sagt frá nýjum kafla í sögu Guðmundar góða sem hófst eftir dauða hans og spannar tímbilið fram til 1315 er hann var lýstur helgur maður af Auðunni Þorbergssyni Hólabiskupi en um dýrlingshelgi Guðmundar stóð talsverður styrr þar til Auðunn biskup tók af skarið. Um þann ágreining er svokölluð C-gerð Guðmundar sögu eina heimildin en hún hefur enn ekki komið út á prenti nema að mjög takmörkuðu leyti.
Verið kærlega velkomin, heitt á könnunni.