Minnum á prjónana í sumar!
Við minnum á samstarfsverkefni okkar og vinabæjarins Kaufering í Þýskalandi sem gengur út á að prjóna eða hekla ferninga í teppi! Tilvalið að taka upp prjónana í byrjun sumars.
Fulltrúar þýska vinabæjarins okkar munu heiðra okkur með nærveru sinni á afmælishátíð kaupstaðarins í sumar. Af því tilefni langar okkur og vinum okkar í Kaufering að efna til samstarfs um að prjóna / hekla teppi. Verkefnið fellst í að prjóna eða hekla ferninga (10x10 sm) úr ullargarni sem við svo saumum saman. Það ræðst svo af fjölda ferninga hvað teppin verða mörg.
Safnahúsið leggur sitt af mörkum og við bjóðum fólki að koma til okkar og prjóna eða hekla. Á 1.. hæð er að finna körfu með ullargarni, prjónum, heklunálum og málbandi. Og svo tökum við líka á móti þeim ferningum sem verða til heima. Best er að nota ullargarn sem hægt er að þvo í vél og allir litir eru gjaldgengir!