Sólin er komin á Gamla Sjúkrahúsið Safnahúsinu
Sólin er farin að skína á okkur hér í Safnahúsinu.
Núna er janúarsólin loksins farin að skína aftur á okkur í Safnahúsinu og kæta okkar lund. Sólin hefur ekki náð niður í bæinn síðan í nóvember en ætti að hafa sést aftur þann 25 janúar. Í því veðurfari sem hefur verið undanfarið hefur hún ekki komist til okkar og er því í dag fyrsti sólardagurinn okkar á nýju ári. Vertu velkomin sól.
Áhrif sólarinnar
Nú hækkar á himinsins boga
hin heittþráða langdegissól,
með geislanna leiftrandi loga
hún lýsir og býður oss skjól;
hjá sjúkum hún guðar á glugga
og gefur í þrautunum fró,
og syrgjendur hún er að hugga
og himneska veitir þeim ró.-
Hún glóandi gullvængi breiðir
um grundir og ísfreðin börð,
hún mannanna áhyggjum eyðir
og unað hún skapar á jörð.
Í töfrandi litskrúði ljómar
hver lækur, fjörður og haf,
og heillandi himneskir ómar
hinn heilaga lofa sem gaf.
Mín sál er í sælasta dvala
jeg sje inn í framtíðarheim,
og þar vil jeg aldur minn ala
og óþektan rannsaka geim.
Mig dreymir um dýrðlegar hallir,
mig dreymir um blómstrandi lönd,
þar frambjóða einhugar allir
því aumasta líknandi hjörð.
Höfundur: Halla Eyjólfsdóttir á Laugabóli.