Listasafnið fær gjöf frá Íslandsbanka

Fyrir breytingar á eignarhaldi Íslandsbanka á síðasta ári var ákveðið á hluthafafundi að 203 listaverk í eigu bankans yrðu þjóðareign og afhent völdum söfnum um allt land. Meðal verkanna eru þjóðargersemar sem talið var mikilvægt að yrðu varðveitt til frambúðar hjá Listasafni Íslands en jafnframt horft til þess að fleiri söfn fengju notið þessarar gjafar.