Bókakynning: Sirrý Arnardóttir
Laugardaginn 28. september fáum við til okkar góðan gest en þá mætir fjölmiðlakonan Sirrý Arnardóttir til segja frá nýjustu bók sinni Þegar kona brotnar - og leiðin út i lífið á ný.
Laugardaginn 28. september fáum við til okkar góðan gest en þá mætir fjölmiðlakonan Sirrý Arnardóttir til segja frá nýjustu bók sinni Þegar kona brotnar - og leiðin út i lífið á ný.
Íslenskar konur virðast geta axlað mikla ábyrgð og þolað mikið álag – en hvað gerist ef áreynslan verður þeim um megn? Í bókinni segja tólf konur sögu sína af því hvernig þær kiknuðu undan álaginu, en einnig hvernig þær náðu sér aftur á strik. En hvers vegna buguðust þær og hver er leiðin til baka eftir kulnun?
Í bókinni er einnig fjallað um konur fyrri tíma, hvernig þær brugðust við örmögnun og rætt er við sálfræðing um hvað gerist þegar kona brotnar og hver bjargráð hennar eru.
Bókina gaf Sirrý út í samvinnu við VIRK starfsendurhæfingarsjóð.
Erindið fer fram í sal Safnahússins og hefst kl. 14.
Allir velkomnir. Heitt á könnunni.