Hús og heimili er yfirskrift norræna skjaladagsins sem að þessu sinni verður laugardaginn 11. nóvember. Að venju munu Þjóðskjalasafn Íslands og héraðsskjalasöfn um allt land bjóða upp á dagskrá er tengist þema dagsins.
Lesa meira
Laugardaginn 28. október - kjördag - verður flutt erindi í sal Listasafnsins í Safnahúsinu sem ber heitið draugar og drama.Guðfinna Hreiðarsdóttir og Jóna Símonía Bjarnadóttir sjá um erindið sem hefst kl. 14.
Lesa meira
Á skjalasafninu á Ísafirði starfa fjórar konur að skráningu sóknarmannatala fyrir Þjóðskjalasafn Íslands. Verkefnið er unnið með þeim hætti að sóknarmannatalsbækur eru skannaðar á Þjóðskjalasafni og færðar í sérstakt skráningarkerfi þar sem grunnupplýsingar um bækurnar eru skráðar. Starfsmennirnir á Ísafirði sækja skráningarkerfið á vefsíðu Þjóðskjalasafns og skrá tilteknar upplýsingar á myndunum inn í kerfið. Ætlunin er að að birta þessi gögn á vef Þjóðskjalasafns og eru þau nú þegar að hluta aðgengileg almenningi.
Lesa meira
Dagana 5. og 6. október halda héraðsskjalasöfnin sína árlegu ráðstefnu. Skjalasafnið og Ljósmyndasafnið verða því lokuð þessa tvo daga.
Lesa meira
Skjalasafn verkalýðshreyfingarinnar á Vestfjörðum var formlega afhent Héraðsskjalsafninu Ísafirði við athöfn í Baldurshúsinu, Pólgötu 2 Ísafirði, föstudaginn 22. september. Skjalasafnið telur 524 skjalaöskjur sem skráðar eru í 34 deildir verkalýðsfélaga, stofnana, fyrirtækja og samtaka sem félögunum tengjast. Safnið geymir skjöl Alþýðusambands Vestfjarða frá stofnun þess 1927 og einstakra félaga sem störfuðu innan þess, allt til stofnunar Verkalýðsfélags Vestfirðinga á árunum 2002-2005. Afhending safnsins er ein stærsta einstaka afhending sem Héraðsskjalsafninu hefur verið færð og einstök að því leyti að safnið er frágengið, flokkað og skráð þannig að það er tilbúið til notkunar fyrir fræðimenn og aðra áhugasama.
Lesa meira